Эмпасофт Академи OCA, OCP сургалтуудыг ORACLOUD төвтэй хамтран зохион байгуулдаг бөгөөд OCM багш M.Батмөнхтэй сургалтын талаар ярилцлаа.

OCA сургалтыг заагаад хэр удаж байна вэ? 

Өнөөдрийг хүртэл нийт 80 гаран суралцагч төгсгөсний дийлэнхид Oracle өгөгдлийн сангийн мэдлэг олгосон байна. Үүнээс 30 гаран суралцагчид OCA түвшний сургалтыг албан ёсны модулийн дагуу заажээ.

Oracle Их сургуулийнагуулгын дагуу Монголдоо сурахын давуу тал нь юу вэ?

Энэ хичээлийг Монголдоо сурснаар олон зардлыг хэмнэж болно. Гадагшаа явж сурах замын зардал л гэхэд бараг нэг хүний сургалтын төлбөртэй дүйцэхүйц болдог. Хамгийн гол давуу тал нь энэ хичээлийг эх хэлээрээ заалгаснаар хэлний бэрхшээлээс үл хамааран хүссэн асуултаа асууж, ойлголт авах явдал юм.

OCA, OCP сургалтын онцлог?

Сургалтаар онол түлхүү заадаг учир янз бүрийн асуулт суралцагчдаас их ирнэ. Тэр бүрт дэлгэрэнгүй тайлбарлахын тулд өөрийн туршлага дээр тулгуурлан тайлбарлаж, зарим тохиолдолд дадлагаар шууд хийж харуулах зэргээр сургалтаа явуулдаг.

Энэ сургалтын дараа ямар сургалтыг санал болгох вэ?

Сургалт Монголчуудын хувьд хямд биш тул суралцагчид аль болох хэмнэлттэй, өгөөжтэй байх талаас нь анхаарч OCA, OCP түвшний мэдлэгийг хамтад нь олгохыг эрмэлздэг. Тиймээс дараагийн удаад тухайн байгууллагын нөхцөл, шаардлагаас хамаарч ахисан түвшний (expert түвшний) сургалтуудыг санал болгодог.

M.Батмөнх багшийн сургалтад хамрагдахыг хүсвэл 11-311859, 9429 0521 утсаар холбогдоно уу.