Бид олон улсын тавцанд гарахад бэлэн боллоо.

Эмпасофт компанийн сургалтын багийнхан 2018 оны сургалтуудаа эхлүүлж байгаатай холбоглуулан багш нартайгаа хүндэтгэлийн зоог барьж хэтийн төлөв, зорилгодоо хүрэх шийдлээ тодорхойлсон үр дүнтэй арга хэмжээг зохион байгууллаа.

Бид энэ салбартаа олон жил ажиллаж буй Олон улсад хүлээн зөвшөөрөгдсөн сертификат бүхий, туршлагатай 30 гаран мэргэжлийн багштайгаар үйл ажиллагаагаа явуулж байна. Сүүлийн 12 жилийн хугацаанд дэлхийд хүлээн зөвшөөрөгдөх мэдлэг чадвар бүхий 2000 орчим инженерийг бэлтгэж Монголын хүний нөөцийн болон боловсролын салбарт үнэтэй хувь нэмэр оруулж байна. Энэ талбарт олон жил тууштай зүтгэсний үр дүнд мэдээллийн технологийн сургалтаар олон улсын тавцанд гарахад бид бэлэн болоод байна.

Тус арга хэмжээнд урилгаар De Facto Жаргалсайхан, Uniliver группын Инноваци Хөгжлийн газрын дарга асан ноён Мехмүд Хан нар оролцож багш нартай өргөн хүрээнд нээлттэй ярилцаж, олон улсын төвшинд гарч ажиллах болсонд баяр хүргэж, цаашдын ажилд нь амжилт хүслээ. Эмпасофт компани энэ онд нийт 40 гаран сургалтыг гадаад болон дотоодын мэдээллийн технологийн мэргэжилтнүүдэд зориулан зохион байгуулахаар боллоо.

2018-оны сургалтын цахим танилцуулга татан авахыг хүсвэл та дараах холбоосоор нэвтрээрэй.